18/03/2014 08:08:11

Chef-i shqiptar fitues i çmimit Gran Prix i kuzhinës mesdhetare

Chef-i shqiptar fitoi çimin e pare Gran Prix te kuzhines mesdhetare

HermesNews - Para pak ditësh u shpallën fituesit e konkursit të kuzhinës mesdhetare, ku zuri vendin e parë duke marrë çmimin Gran Prix chef-i shqiptar Fundim Gjepali, 33 vjeç, si përfaqësues i restorantit “Antico Arco” në Rome (Harku Antik).

Pjata me të cilën kuzhinieri shqiptar arriti të fitojë çmimin e parë të konkursit ndërkombëtar të kuzhinës mesdhetare ishte “Qingj me lajthi”. Cmimi i dytë i shkoi një italiani, ndërsa ai i treti një kuzhinieri kuban.

Në mbrëmjen e dhënies së çmimeve morën pjesë më shumë se 300 të ftuar, mes tyre edhe shumë personazhe të njohur të botës së spektaklit dhe televizionit italian nën drejtimin e Enzo Calebrese-s.

Fituesit të çmimit iu dorëzua, sipas traditës, një pjatë qeramike e dekoruar e gjitha me dorë që paraqet elementët kryesore të traditës mesdhetare siç është ulliri, gruri dhe rrushi.

Daniela Vathi

Dërgo me email | Stampo artikullin