12/02/2014 16:46:24

Artistët dhurojnë veprat për Ibrahim Kodrën

Bashkia e Durrësit, organizoi sot ekspozitën me veprat e tyre, për nder të mjeshtrit shqiptar që vdiq në Milano në moshën 88 vjeçare

DURRES - Artistët italianë dhuruan 119 vepra në nderim të figurës së Ibrahim Kodrës, në vitin 2005. Bashkia e Durrësit, organizoi sot ekspozitën me veprat e tyre, për nder të mjeshtrit shqiptar që vdiq në Milano në moshën 88 vjeçare. Projekti i vitit 2005 për ngritjen e një galerie me vepra të autorit të madh shqiptar dhe kolegëve të tij italianë nuk është realizuar ende për mungesë fondesh. Marrëveshja mes bashkisë së Durrësit dhe fondacionit “Kodra” parashikonte edhe hartimin e një katalogu me të dhëna për krijuesit dhe punimet përkatëse.Mjeshtri Kodra, i cili u largua nga Shqipëria në moshën 18-vjeçare për të studiuar në Akademinë e Arteve Figurative në Breras, pranë Milanos ku dhe ndërroi jetë në moshën 88 vjeçare. Trupi i tij tashmë prehet në kodrën e Ishmit, vetëm disa qindra larg fshatit Likmetaj ku u lind në 18 prill të vitit 1918. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin