10/01/2014 17:14:28

Vdes ikona e kinemasë italiane Lorella De Luca

Aktorja ndërroi jetë mbrëmë në moshën 73 vjeçare pas një sëmundjeje të rëndë

ROMË - Ikona e filmit italian dhe e kinematografisë Lorella De Luca ka ndërruar jetë dje në moshën 73 vjeçare, pas një sëmundjeje të gjatë. Ajo u lind në Firenze, më 17 Nëntor të vitit 1940 dhe pas debutimit të saj kinematik në filmin e Federico Fellinit "Il Bidone" (Mashtrimi), të vitit 1955, De Luca mori një rol shpërthyes një vit më vonë në komedinë e regjisorit Dino Risi, "Poveri, ma Belli" (Të Varfër, por të bukur).

Ajo u shndërrua një nga aktoret më të njohura në filmat e Mario Monicelli dhe ata western të Duccio Tessari, me të cilin u martua në vitin 1971. Ajo mori famë në komedinë e Dino Risi Poveri, ma Belli në vitin 1956 dhe vazhdoi në po këtë zhanër me rolet në filmat e Mario Monicelit, po ashtu edhe në veprat western në Duccio Tessarit ”Një pistoletë për Ringon” , në vitin 1965 dhe ”Rikthimi i Ringos”, po në vitin 1956 me të mirënjohurin Giuliano Gemma. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin