14/12/2013 13:18:09

Paris Hilton ngatërron Nelson Mandelën me Martin Luther King

Paris Hilton ben nje gafe ne Twitter duke ngaterruar Mandelen e Martin Luther King

HermesNews- Pak minuta pas lajmit të vdekjes së Mandelës, shumë nga njerëzit e famshëm të ekranit shprehën publikisht në rrjetet sociale keqardhjen dhe ngushëllimet e tyre për një njeri të madh si Mandela, i cili do të mbetet në histori.

Zonjusha miliardere Paris Hilton, në mesazhin e saj në Twitter mesa duket ka ngatërruar Nelson Mandelën me Martin Luter King, i cili luftoi në Amerikë kundër racizmit dhe ndarjes e paragjykimeve mes të bardhëve dhe zezakëve.
Në mesazhin e saj në Twitter thuhej: “ U prefsh në paqe Nelson Mandela. Fjalimi juaj “I have a dream” ka qenë shumë stimulues për një botë më të drejtë. Një njeri i mrekullueshëm”.

Pra siç duket qartë nga fakti se “I have a dream” është fjalimi i i Martin Luter King-ut i mbajtur më 28 gusht 1963 në Washington , po ashtu një njeri me një kontribut të madh për njerëzimin, Paris Hilton nuk ka as idenë më të vogël për veprimtarinë e Nelson Mandelës.

Pati edhe nga ata që u munduan ta shfajësonin bjonden Paris Hilton duke thënë se nuk mund ta kishte shkruar ajo këtë mesazh pasi ndodhej në fluturim nga Dubai për në Miami. Kush të dojë, le ta besojë !Na ndiqni dhe në Facebook dhe Twitter

Daniela Vathi

Dërgo me email | Stampo artikullin