11/12/2013 13:04:21

Ekspozite 'Rreziku i armeve'

Nje ushtarak pergatit ekspoziten per te rinjte

TIRANE- Një ushtarak në pension i mbështetur nga Komiteti i Miqve Antiminë (KMAM), ka përgatitur një ekspozitë shëtitëse me foto dhe materiale propogandistike për rrezikun që paraqesin armët dhe eksplozivët. Ekspozita do të hapet në shkollat dhe institucionet e tjera arsimore, duke synuar njohjen e fëmijëve dhe të rinjve me fatkeqesitë që sjellin armët për jetën e njerëzve.

Kryetari i Komitetit të Miqve Antiminë, Besnik Alibali, tha se ka marrë shkas për përgatitjen e ekspozitës nga ngjarja e dhimbshme në shkollën "Beqir Cela" të Durësit, ku një nxënës qëlloi për vdekje me armë zjarri mbi një bashkëmoshatarin e tij. Ekspozita përmban të dhëna mbi rreziqet që sjellin armët dhe eksplozivët dhe mënyrat se si mund tu shmangemi atyre, tha ish-ushtaraku 78-vjeçar.

Ekspozita u hap në shkollën 9-vjeçare "Neim Babameto" në Spitallë dhe ngjalli interesimin e nxënësve të moshave të ndryshme dhe sipas Alibalit, ajo do të hapet së shpejti në Universitetin "Aleksandër Moisiu" të Durrësit.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin