08/12/2013 13:06:25

Bashkia e Tiranes dhe programi i saj

Ja cilat jane programet per fesat e fundvitit

TIRANE- Drejtori i Arteve dhe Kulturës në Bashkinë e Tiranës, Arben Skënderi prezantoi të dielën, programin e përgatitur nga Bashkia e kryeqytetit për festat e fundvitit. Ai bëri të ditur për median se duke nisur nga mbrëmja e sotme e deri në ditët e para të vitit të ri 2014, Bashkia e Tiranës ka planifikuar një axhendë të ngjeshur me aktivitete për të argëtuar kryeqytetasit dhe më gjerë.

Sipas tij , vendi ku është ngritur pema tradicionale e fund-vitit , do të jetë një pikë referimi për qytetarët. Çdo mbrëmje do ketë pjesë të animuara, për fëmijë, por edhe muzikë dhe pjesë për të rritur. “8-Dhjetori, dita rinisë është simboli më i bukur kur duhet të nisim aktivitet kulturore", vijoi ai .

Ansambli dhe banda e qytetit do të zhvillojnë aktivitete të shumta tek pedonalia, ku dhe është ngritur një “qytet festiv”. Në teatrin e Metropolit, është planifikuar një programacion i ngjeshur, ndërkohë që për fëmijët do të ketë nje program të dubluar çdo të shtunë e të dielë, ndërsa janë hapur dy ekspozita. Shfaqje filmash dhe dokumentarësh do të ketë edhe tek qendra TEN, sipas drejtorit Skënderi.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin