02/12/2013 16:12:38

'Miss & Mister Tatto' ne Shqiperi

Per here te pare nje eveniment i tille ne vendin tone

TIRANE- Një event i veçantë krejt ndryshe nga ata që jemi mësuar të shohim Miss-et dhe Mister-at në pasarela, por i ngjashëm për nga formati me “sfilatat e bukurisë”, pritet të zhvillohet për herë të parë në Shqipëri, më datë 5 dhjetor 2013, në mjediset e “Dream City” në Tiranë.

Është ky një event i shumëpritur veçanërisht për 15 konkurueset femra dhe 15 meshkuj që marrin pjesë në sfilatën e tattoo-së më të bukur, të organizuar nga Klinika e Tatto-ve Olsi Sejdi dhe stafi prej 11 vetësh, në bashkëpunim “Ak Filmwork” dhe “Shoqatën e Tatuatorëve”, një revistë shqiptare, dy televizione shqiptare e kosovare, një agjenci turistike, por edhe një tjetër e cila do shoqërojë të ftuarit me limuzina si dhe shumë të ftuar VIP, të cilët kanë pranuar ti bashkëngjiten kësaj mbrëmje Gala.

Stine, Xhejsi Jorgaqi, 2Ton, Çartani, Problemi, Double-T, janë disa nga 25 VIP-at e ftuar specialë të kësaj mbrëmjeje, ndërsa pritet që spektaklin ta prezantojnë pothuajse dy emra të panjohur për publikun shqiptar, prezantuesi e gazetari nga Kosova 33-vjeçar, “Maksim Gjokaj dhe shqiptaro-italiania Carmela Barretta”, ka bërë të ditur organizatori Olsi Sejdi dhe Indriti, asistenti i tij, njëherazi menaxheri i “Olsi Clinic Tattoo”.

“Carmela Barretta vjen nga Kosova dhe ka baba italian”. Në moshën 12 vjeçare ka marrë çmimin “Miss Excalibur 2003”, e më pas pjesëmarrëse finaliste në “Miss Italia nel Mondo”. Olsi Sejdi ka filluar “aktivitetin” e tij të artit të tatusë, që herët në vitin 2004, ndërsa në 2010 ai hapën zyrtarisht “Olsi Clinic Tattoo”, në hyrje të rrugës “Adem Kruja”, shumë pranë Unazës së Tiranës në kryqëzim me rrugën “Myslym Shyri”.

Për detajet se si do të përzgjidhet dhe votohet nga juria “tatuazhi më i bukur” e normalisht “Miss dhe Mister Tattoo”, Olsi Sejdi thotë se “një kamera e cila është e lidhur me një ekran të madh, do ti afrohet tatuazhit, duke u bërë kështu e dukshme për të gjithë të ftuarit por edhe për jurinë”.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin