28/11/2013 16:46:33

Koncert recital i sopranos Elsid Cullhaj

Artistja shquhet për koloritin vokal dhe përcjelljen emocionale të veprave muzikore

DURRËS - Orkestra e harqeve Aleksandër Moisiu nën drejtimin e dirigjentit Petrika Afezolli, ka fituar mbrëmjen e kaluar duartrokitjet e publikut pas një koncerti të organizuar në odeonin Nikolin Xhoja të qytetit të Durrësit. Soprano Elsid Cullhaj, soliste në këtë mbrëmje, intepretoi me mjeshtëri së bashku me këngët popullore Zare dhe Në zaman t’asaj furie edhe këngën e njohur “Zambaku i Prizrenit” të kompozitorit kosovar Akil Koci, e më pas arie nga literatura operistike nga G. Puccini dhe G. Schicchi. Artistja e re, mjaft aktive në skenën lokale dhe kombëtare shquhet për koloritin vokal dhe përcjelljen emocionale të veprave muzikore. Orkestra e harqeve të Durrësit edhe këtë herë dëshmoi pjekurinë e saj në interpretimin e veprave nga Bela Bartok, dhe Antonin Dvorzhak. Dirigjenti i njohur Petrika Afezolli përveç repertorit të përzgjedhur përçoi me sukses, së bashku më orkestrën e tij, mesazhe me vlera artistike. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin