20/11/2013 08:11:09

Biografia e Karl Gegës në duart e lexuesve

Biografia e Karl Gegës u botua nga ana e Shoqatës së Gjeodetëve Shqiptarë

TETOVË - Në ambientet e Amfiteatrit të Fakultetit Filozofik pranë Universitetit Shtetëror të Tetovës u promovua sot vepra e historianit austriak, Wolfgang Straub me "Karl Gega - biografi", libër ky që i kushtohet gjeniut të madh me origjinë shqiptare dhe konstruktorit të hekurudhës së parë malore në botë, Karl Gega.

Në fjalën e tij, ambasadori austriak në Maqedoni, Thomas Michael Bayer foli për rëndësinë e punës së gjeniut Karl Gega për shkencën në përgjithësi, por veçanërisht për ndërtimin e hekurudhave në shekullin XIX.

Rektori i USHT-së, Vullnet Ameti tha se Universiteti Shtetëror i Tetovës gjithmonë i ka pritur me ndjesi të veçantë ftesat për të bashkorganizuar aktivitete të veprimtarive të ndryshme që kanë për qëllim përparimin dhe zhvillimin e vlerave arsimore dhe shkencore.

Biografia e Karl Gegës u botua nga ana e Shoqatës së Gjeodetëve Shqiptarë "Karl Gega", me ndihmën financiare të ambasadave austriake në Shkup, Prishtinë dhe Tiranë. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin