16/11/2013 13:41:59

Nikolin Gurakuqi, liber me poezi

Librin 'Stinet e dhimbjes time', ia kushton djalit te tij

TIRANE- Regjisori Nikolin Gurakuqi ja ka shfryrë poezisë gjithë dhimbjen e humbjes së parakohshme të djalit të tij. Ai ka promovuar sot, në Teatrin Kombëtar të Operas dhe Baletit, librin “Stinët e dhimbjes time”, ku ka përmbledhur gjithë poezitë e shkruara pas ndarjes nga jeta të djalit të tij, Marsidit. `“Nuk jam as shkrimtar, as poet, por jam një baba që më ka dhëmbur ikja e djalit”, kaq thjesht e ka shpjeguar Gurakuqi arsyen e botimit të këtij libri.

Nuk i është dashur shumë kohë për të shkruar librin, 3-4 muaj ndoshta, ka pasur ditë që ka shkruar edhe 5 poezi njëherësh. “Ky libër më ka kushruar shumë lot”, tha Gurakuqi. Siç u shpreh regjisori, poezitë kalojnë nga poezitë e klithmës, në poëzi më të buta, madje edhe të gëzueshme, me krenati brënda. “Ky ka qënë një udhëtim i vështirë që më dha forcë”, u shpreh Gurakuqi.

Poezitë e Gurakuqit kanë brënda dashurinë prindërore, dhimbjen e mbi të gjitha forcën për të ecur përpara. Më herët regjisori ka deklaruar se po përgatit të gjitha studimet e djalit të tij për botim, po përgatit njohjen e këtij filozofi të ri në shoqërinë shqiptare. Marsid Gurakuqi, student në Universitetin e Peruxhas në Itali, një kritik dhe filozof i ri shqiptar kishte çuditur mbarë stafin akademik italian me aftësinë dhe teoritë tij mbi botën e sotme.

Nikolin Gurakuqi, i njohur nga të gjithë si një nga figurat e rëndësishme të Teatrit të Operas dhe Baletit në Tiranë. Ai ka vënë në skenë shume vepra të rëndësishme të repertorit operistik botëror.
Na ndiqni dhe në Facebook dhe Twitter

HermesNews-©2013

Dërgo me email | Stampo artikullin