16/11/2013 08:55:16

Pirateria po vret librin

Për fat të keq, në libraritë tona ekspozohen libra të piratuar, që nga këta tituj si ‘Drejtshkrimi i gjuhës shqipe’ e deri tek autorë shumë të njohur, të cilët janë bërë publikë, por që përsëri janë nëpër librari

TIRANË - Problematika e piraterisë së librit në vendin tonë, e prekur që në ditën e parë të çeljes së Panairit, u diskutua sot gjerësisht në konferencën, “Pirateria dhe ilegaliteti po e vrasin librin në Shqipëri”. Në fjalën e hapjes kreu i Shoqatës së Boutesve, Petrit Ymeri ngriti edhe një herë shqetësimin, gjithnjë e më të dukshëm të botuesve për fenomenin e piraterisë së librit në Shqipëri. “Për fat të keq, në libraritë tona ekspozohen libra të piratuar, që nga këta tituj si ‘Drejtshkrimi i gjuhës shqipe’ e deri tek autorë shumë të njohur, të cilët janë bërë publikë, por që përsëri janë nëpër librari. Libraritë në asnjë mënyrë nuk mund të punojnë më në këto forma. Të gjitha bashkë duhet të bashkëpunojmë, botuesit, me botuesit, botuesit me distributorët, botuesit me librarët”, tha Ymeri. Por për fat të keq dhe të mirë pirateria e librit në Shqipëri, deri më sot, ndeshet kryesisht në formën më primitive te saj. Në konferencë diskutuan edhe botues nga Shqipëria dhe Kosova, pjesëmarrës në Panairin e Librit, por edhe përfaqësues të trupit diplomatik në Shqipëri. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin