10/11/2013 09:02:24

Fileto pule me salcë specash

nga Brunhilda Çela

Sekretet e aromave të Brunhildës Përgatitja e pjatës është e thjeshtë dhe praktike për ditët kur s'ke kohë të bësh asgjë për të ngrënë. Mishin e pulës (foto) e marinova me erëza si kripë, piper, pak piper të kuq, pak rigon të imët, fare pak vaj ulliri.

I përzieva bashkë erëzat dhe vajin dhe me të lyeva mishin. E mbulova dhe e lashë në frigorifer të marinohet tre orë. Mish pule kisha rreth 500 gr.

Specat i poqa mbi sobë i futa në një qeskë të zbuten derisa u ftohen. Kisha rreth 1 kg speca.

Pasi specat u ftohen i qërova mirë, i pastrova dhe i preva në copa. Pilafin e bëra me lëng pule e me pak gjalpë. Specat i skuqa lehtë në vaj ulliri, shtova aty domatet e qëruara nga lëkurat dhe të prera në copa të imëta. Unë kisha dy domate një të madhe shumë e një me të vogël.






















I zieva të gjitha bashkë sa trashet lëngu, në fund shtova hudhër, kripë, i lë të marrë valë e një tufë majdanoz ia grij kur e heq nga zjarri. Mund t'i shtosh dhe pak krem philadelphia i jep shije dhe merr pak a shume si shije fërgese.

Unë e bëra më pak kalorike këtë radhë, ndonjëherë e bëj me philadelphia ose kajmak, del dhe më e shijshme. Mishin e marinuar e poqa në një tigan të nxehtë pa vaj fare se ka vetë mishi vajin e marinimit.

Nëse do mund t'i vësh në fund fare mishit një lyerje me hudhra e vaj ulliri ose gjalpë me erëza, ia vë në fund fare lart e ai shkrin mbi mishin e nxehtë Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin