07/10/2013 14:41:04

Letërsi, pretendentet për ''Nobel''

Pretendentët për çmim

STOKHOLM - Fituesi i çmimit "Nobel" për Letërsinë do të shpallet të enjten më 10 tetor në orën 11:00 GMT, deklaroi sot Akademia Suedeze. Data e çmimit "Nobel" për letërsinë zbulohet pak para dhënies së tij, ndryshe nga çmimet e tjera data e dhënies së të cilëve shpallet disa muaj përpara. Sezoni i çmimeve "Nobel" hapet sot me çmimin për Mekësinë. Nesër jepet çmimi "Nobel" për fizikën dhe pasnesër për Kiminë. Pas dhënies së çmimit "Nobel" për Letërsinë, do të jepet të premten "Nobeli" i Paqes dhe të hënën e ardhshme ai për Ekonominë. Nuk ka asnjë të dhënë mbi ndonjë favorit për çmimin e letërsisë, por rrethet letrare në Stokholm janë të mendimit se ai mund t'i jepet romancieres dhe gazetares bjelloruse, Svetlana Aleksejeviç ose romancieres algjeriane, Asia Xhebar. Kanditatët e tjerë për çmimin në letërsi janë japonezi, Haruki Murakami dhe amerikania, Joyce Carol Oates. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin