04/10/2013 17:26:59

Peisazhet shqiptare në Gjirokastër

Artisti Thimjo Fili çel ekspozitën në qytet

GJIROKASTËR - Të paktën 50 piktura në vaj të piktorit Thimjo Fili të realizuara gjatë këtij viti, u prezantuan sot në një ekspozitë të çelur në Kinoteatrin e Gjirokastrës. Ne ekspoziten e tete personale çelur në Gjirokastër, Thimio Fili ka paraqitur punime kryesisht në teknikën e vajit, me peisazhe nga qyteti i lindjes, por nuk mungojnë edhe portrete vajzash gjirokastrite."Dëshira për të shtuar në koleksionin tim tablotë mbi veçantinë e Gjirokastrës dhe vlerat e jashtëzakonshme që mban ky qytet, më shtyne që të ekspozoj një pjesë të bukurive të saj", tha Fili. Piktori Thimjo Fili lindi në vitin 1956 në Gjirokastër. Pasi përfundoi Liceun Artistik në Tiranë në vitin 1974, punoi për shumë kohë si dezinjator në uzinën metalike. Pas vitit 1990 ushtroi profesionin në pikturë dhe në vitin 2008 u emërua drejtori i Qendrës Kulturore pranë Bashkisë së Gjirokastrës. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin