25/09/2013 13:25:28

''Me dyer të mbyllura'', së shpejti në Teatrin Kombëtar

Adriana Tolka, Laura Nezha dhe Neritan Liçaj janë aktorët që do të interpetojnë tre personazhet e veprës të cilët pas vdekjes gjenden në ferr

TIRANË - Eni Jani prezantohet për herë të parë para publikut si regjisore, duke ngjitur në skenën e Teatrit Kombëtar dramën ekzistencialiste, “Me dyer të mbyllura” të Zhan Pol Sartrit. Adriana Tolka, Laura Nezha dhe Neritan Liçaj janë aktorët që do të interpetojnë tre personazhet e veprës të cilët pas vdekjes gjenden në ferr. “Tre personazhet krijojnë konflikt midis tyre dhe janë tepër kompleksë e të kundërt nga njëri-tjetri, por njëkohësisht ata kanë dhe pika të përbashkëta. Janë aq të lidhur mes tyre saqë kur arrijnë të kuptojnë thelbin e ferrit, mësojnë sesa u nevojitet prania e njëri-tjetrin”, është shprehur Jani për mediat. Premiera e shfaqjes pritet të jetë gjatë muajit tetor në skenën e Teatrit Kombëtar si një prodhim privat. Kjo është puna e parë e Eni Janit si regjisore, të cilën e kemi parë gjithmonë në role të ndryshme si aktore. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin