13/09/2013 08:08:14

Veprat e skulptorit anglez në galerinë e arteve

Skulpturat në bronz në këtë ekspozitë janë të përmasave të vogla dhe Moore i konsideronte makete. Ai përpara se ti prodhonte veprat e tij në dimensionin e tyre përfundimtar bënte makete të vogla për ta studiuar më mirë formën e tyre

TIRANË - Galeria Kombëtare e Arteve dhe Këshilli Britanik sjellin për herë të parë para publikut shqiptar një ekspozitë personale të njërit prej artistëve më të njohur britanikë në skenën ndërkombëtare të artit, skulptorit Henry Moore (1898 - 1986). Ekspozita përmban tetëdhjetë e gjashtë vepra, nga të cilat tetëdhjetë grafika kryesisht ne teknikat e gravurës dhe litografisë krijuar gjatë viteve 1949 - 1983, dhe gjashtë makete skulpturash në bronz. Në ekspozitë përfshihen dhe nëntë fotografi të skulpturave të realizuara dhe të vendosura në hapësira të ndryshme. Grafikat janë pjesë e serisë prej mbi 200 grafikash që artisti i dhuroi Koleksionit të Këshillit Britanik në vitin 1984 me rastin e 50-te vjetorit të themelimit të kësaj organizate. Me datë 13 Shtator 2013, ora 12.00, në Galerinë e Arteve zhvillohet me mediat konferenca për shtyp ku kjo ekspozitë prezantohet gjërësisht. Na ndiqni dhe në Facebook dhe Twitter

HermesNews - ©2013

Dërgo me email | Stampo artikullin