26/08/2013 10:04:28

Besa Kokëdhima përformon në skenën e Polonisë

Këngetarja përfaqëson Shqipërinë në skenën ndërkombëtare ku më parë kishin performuar këngëtarë si Elton John dhe Whitney Houston

TIRANE - Sopot TOP of the TOP Festival ka ftuar këngëtaren Besa Kokëdhima të performojë në skenën e Polonisë. Festivali filloi më 23 Gusht dhe vazhdon traditën e International Song Festival (që nga viti 1992 njihet me emrin Sopot Festival). Festivali është krijuar që në vitin 1961 dhe është zhvilluar çdo vit. Në Sopot Festival kanë performuar yje të muzikës botërore si Boney M., Annie Lennox, Alphaville, Elthon John, Ricky Martin dhe Whitney Houston. Këtë vit, njëlloj si edhe vitin e kaluar, ky festival u zhvillua në Operën e Pyllit në Sopot në datat 23 dhe 24 gusht. Pjesëmarrëse këtë vit ishte këngëtarja e përfaqësuese e Shqipërisë Besa Kokëdhima. Ajo qe e pranishme në këtë festival që në ditën e parë, më 23 gusht. Kjo ditë iu kushtua hiteve më të njohura të viteve '80, hite këto që i përkisnin arenës ndërkombëtare dhe Polonisë.

HermesNews - ©2013

Dërgo me email | Stampo artikullin