08/08/2013 11:53:06

Durrës, përfundon bienalja muzikore

Edicioni i këtij viti i titulluar Durrësi, 700 vjet muzikë nga Jan Kukuzeli në ditët tona tërhoqi vëmendjen për nivelin e lartë profesional

DURRËS - Edicioni i 6-të i festivalit "Netët e muzikës klasike", që mbahet prej 10 vjetësh në Durrës u mbyll mbrëmjen e kaluar me një koncert të pazakontë. Në programin përmbyllës të Bienales jubilare përballë publikut që kishte mbushur sallën e teatriut "Aleksandër Moisiu", kuarteti instrumental i drejtuar nga themeluesi i NMK, Florian Vlashi prezantoi një koncert ndërdisiplinor për lidhjet e ngushta mes matematikës dhe muzikës. Një natë më parë në mjediset e Shtëpisë muze të Aleksandër Moisiut të ftuarit Zhani Ciko, Roland Xhoxhi dhe Lad Caku diskutuan mbi Artin e violinës në Shqipçëri. Edicioni i këtij viti i titulluar “Durrësi, 700 vjet muzikë nga Jan Kukuzeli në ditët tona” tërhoqi vëmendjen për nivelin e lartë profesional dhe përkushtimin e artistëve bashkëatdhëtarë nga Spanja, Holanda e Franca, të cilët bashkëpunuan me artistët nga Durrësi për ti dhënë jetë edhe këtij edicioni të ri.

HermesNews - ©2013

Dërgo me email | Stampo artikullin