21/07/2013 15:59:20

Muzika Jazz në Apoloni

Aktivitetet dhe koncertet artistike në Apoloni i kanë veshur netët apoloniane me magjinë e artit, duke i bërë më të gjalla, më interesante dhe më të populluara

FIER - Manastiri i i Shën Mërisë në qytetin antik të Apolonisë, prej dy ditësh është shndërruar në një skenë gjigande, pasi në kuadër të projektit kulturor ndërkombëtar "Arkeos” artistë me famë botërore po prezantojnë muzikën jazz. “Festivali “Apolonia International Fest 2013” zhvillohet në dy pika, në qytetin e Fierit dhe në Apoloninë e lashtë. Pikësëpari ne kërkojmë të gjallërojmë jetën e qytetit dhe t'i japim mundësinë edhe vizitorëve të huaj, të cilët vijnë në Shqipëri në këto ditë vere, për të ndjekur programe artistike që përmbajnë jo vetëm vlerat e qytetit dhe vendin tonë, por edhe vlera të krijuara në popujt fqinj”, tha Drejtori i Artit dhe Kulturës në bashkinë Fier, Frederik Jorgaqi. Në natën e dytë të festivalit, mbrëmjen e ditës së shtunë dhanë koncert me muzikë jaz artistë nga Gjermania, Italia, Izraeli.

HermesNews - ©2013

Dërgo me email | Stampo artikullin