01/07/2013 11:07:09

Vepra arti në një ekspozitë: 18 vepra për figurën femërore

Vlora Ismaili paraqitet në këtë ekspozitë me 18 piktura, të cilat i bashkon një motiv i përhershëm në historinë e artit

SHKODËR - Galeria e Arteve e Shkodrës promovoi te dielen ne mbrëmje ekspozitën vetjake të piktores nga Prishtina, Vlora Ismaili. E titulluar "Në pritje..", ekspozita prezanton 18 vepra kushtuar figurës femërore, të cilat të punuara me mjeshtri nga piktorja kosovare, morën vlerësime jo vetem nga kolegët dhe specialistët e pikturës, por edhe nga qytetarë të shumtë shkodranë, pasionantë të këtij arti. "Vlora Ismaili paraqitet në këtë ekspozitë me 18 piktura, të cilat i bashkon një motiv i përhershëm në historinë e artit, siç është figura e gruas", tha drejtori i Galerisë së Arteve të qytetit të Shkodrës, Artan Draçini. Sipas tij, piktorja kosovare me emrin simbolik shqiptar, Vlora, paraqet në veprat e saj figuren e femres, një imazh me hapësira dhe pamje të ndryshme duke i realizuar me imagjinatë estetiste dhe moderne.

HermesNews - ©2013

Dërgo me email | Stampo artikullin