03/06/2013 15:51:17

Çelet edicioni i orkestrave frymore të Mesdheut

Në mjediset e QKMBM-së përgjatë mesditës së sotme u mbajt një konferencë për shtyp nga kuratori i këtij aktiviteti artistik, Vasil Tole

TIRANË - Promovimi i muzikës, kulturës, traditës dhe turizmit, me pjesëmarrjen e bandave frymore të ushtrisë mes vendeve mesdhetare, anëtare të NATO-s, kanë hapur sot siparin në Tiranë, në "Qendrën e Kulturës, Medias dhe Botimeve të Mbrojtjes". "Festivali i Formacioneve Muzikore Ushtarake" do zhvillohet midis datave 2-7 Qershor, ndërsa pritet që ky aktivitet kulturor, për herë të parë i zhvilluar e organizuar në Shqipëri, të kthehet në një traditë të përvitshme duke shtuar numrin e anëtarëve pjesëmarrës. Në mjediset e QKMBM-së përgjatë mesditës së sotme u mbajt një konferencë për shtyp nga kuratori i këtij aktiviteti artistik, Vasil Tole, ku më tej u prezantuan edhe orkestrat frymore ushtarake të Greqisë, Kosovës dhe Turqisë.

HermesNews - ©2013

Dërgo me email | Stampo artikullin