02/06/2013 19:34:14

Jepen çmimet 'Idromeno 2013'

Enela Mastori merr çmim me 'Portofolet'

SHKODËR - “Portofolet” është punimi në pikturë, i realizuar nga autorja Enela Mastori, që fitoi konkursin “Idromeno 2013”. Galeria e Arteve Figurative, Shkodër, në bashkëpunim me Bashkinë e këtij qyteti, organizoi për të tretin vitë me radhë konkursin kombëtar të arteve pamore për artistët e rinj. Shtatë piktorë, Blerta Hoçia, Enela Mastori, Matilda Odobashi, Olson Lamaj, Sidrit Lohja dhe Yllka Gjollesha, përfaqësues të rretheve të ndryshme të vendit, garuan për të fituar çmimin “Idromeno 2013”. Të 35 punimet e prezantuara prej tyre u ndoqën me interes nga artdashësit shkodranë të pikturës, ndërkohë që në përfundim një juri profesionale përzgjodhi edhe më të mirën mes tyre. Sipas autores Mastori, “Portofoli”, me të cilin fitoi dhe çmimin e parë, është një nga sendet që shumica e njerëzve e kanë gjithmonë me vete dhe shumë prejt tyre mbajnë brenda foto të personave të dashur, duke mundësuar kështu këtë komunikim intim.

HermesNews - ©2013

Dërgo me email | Stampo artikullin