24/05/2013 11:34:27

Durrës, nxënësit 'tablo ushqimore'

Ekspozitë me 45 tablo nga nxënësit e shkollës 9-vjeçare Jusuf Puka

DURRËS - Një grup nxënësish të vegjël me pasionin e pikturës, janë bërë këto ditë protagonistë të galerisë së arteve pamore “Nikolet Vasia” të Durrësit, ku 12 bashkëmoshatarët, nxënës në klasën e katërt të shkollës 9-vjeçare “Jusuf Puka” të qytetit bregdetar, kanë paraqitur në ekspozitën e përbashkët 45 tablo, me përmbajtje shumë të thjeshtë, teknika e punimit të të cilave është e veçantë. Mësuesja e tyre, Gentiana Pipa, tha se, prej disa javësh, fëmijët punojnë së bashku për përgatitjen e tablove në artin e aplikacionit, duke shfrytëzuar groshë, oriz dhe makarona. Anri Taqe, Regis Kasemi, Arjan Baraku, Rexhina Mehmeti, Klajdia Reçi, Ardian Ibraj, Rigers Ajazi, Ersilda Sorra, Antonio Risto, Enkelejda Kollçaku dhe Ema Alliu, të gjithë në moshën 10-11 vjeçare kanë preferuar të paraqesin sipas mënyrës së tyre kafshë dhe shpendë, duke nisur nga kanarina dhe kali e deri te luani i xhunglës. Ekspozita e fëmiijëve të pasionuar do të qëndrojë e hapur deri në 1 qershor, në ditën e Festës Ndërkombëtare të Fëmijëve.

HermesNews - ©2013

Dërgo me email | Stampo artikullin