08/04/2013 11:06:07

Zhvarroset Pablo Neruda

Ekspertët duan të kuptojnë shkaqet e vërteta të vdekjes së poetit

ISLA NEGRA - Operacioni i zhvarrosjes së trupit të poetit kilian, Pablo Neruda, i cili vdiq në muajin shtator 1973 disa ditë pas grushtit të shtetit nga Augusto Pinoçeti, filloi sot në Isla Negra (bregu qendror i Kilit), në përpjekje për të zbardhur rrethanat e vdekjes së tij, dyshuar për kancer.

Për të shmangur pamjet, ekspertët e shërbimit mjeko-ligjor si dhe anëtarët e policisë, mbërritur në vend rreth orës 20:00 (ora lokale), vendosën një tendë rreth vendit ku ishte varrosur Neruda përkrah bashkëshortes së tretë dhe të fundit, Matilde Urrutia, në kopështin e shtëpisë që posedonte në Isla Negra, përballë Paqësorit.




















Pas punimeve të para të zhvarrosjes, një ekip mjeko-ligjor kilianë dhe ndërkombëtarë do të kryejë sot në mëngjes analizimin e eshtrave të poetit nën mbikëqyrjen e gjyqtarit, Mario Carroza, i cili merret me këtë çështje.

Sipas Patricio Bustos, drejtor i Shërbimit mjeko-ligjor, analizimi i eshtrave të poetit do të fillojë sot në orën 11:00 (ora lokale).

Neruda, sipas versionit zyrtar ka vdekur si pasojë e sëmundjes së kancerit në prostatë më 23 shtator 1973, 12 ditë pas grushtit të shtetit nga gjenerali Pinochet kundër presidentit socialist, Salvador Alende, mik i ngushtë i poetit komunist.

HermesNews - ©2013

Dërgo me email | Stampo artikullin