14/03/2013 10:15:50

Dita e Verës nis me karnevalet

Aktivitetet në këtë ditë kanë nisur që në orët e para të mëngjesit, ku në rrugët e qytetit edhe pse me shi qytetarët kanë dalë për të festuar Ditën e Verës,

ELBASAN - Dita e verës dhe pse e shpallur festë kombëtare, qyteti ku u themelua ruan zakonin shekullor si askush tjetër. Aktivitetet në këtë ditë kanë nisur që në orët e para të mëngjesit, ku në rrugët e qytetit edhe pse me shi qytetarët kanë dalë për të festuar Ditën e Verës dhe për të përcjellë urime në këtë ditë. Kjo festë ka nisur me aktivitetin tradicional, karnavalet dhe krosin e organizuar nga shkollat 9-të vjeçare të qytetit. Të inkuadruar në kolona rreshtore me pankarta në duar, si "Stop dhunës", "Mbani pastër mjedisin", etj, qindra fëmijë kanë qenë pjesë e dekorit të festës tradicionale, me veshjet e tyre, duke hedhur edhe parrulla për paqe dhe lumturi. Në këtë ditë, të ftuarit dhe vizitorët, nuk kanë harruar të shijojnë edhe një nga specialitetet e kësaj dite "Ballakumen", ku gatimi i kësaj embëlsire ka një mister për nga mjeshtëria.

HermesNews - ©2013

Dërgo me email | Stampo artikullin