18/02/2013 19:38:14

Vdes kengetarja e muzikes country Mindy McCready

Këngëtarja 37 vjeçare, u gjet e vdekur si pasojë e një plage të shkaktuar nga një armë zjarri, me sa duket të ketë qënë një vetëvrasje

WASHINGTON - Këngëtarja amerikane e muzikës country, Mindy McCready u gjet e vdekur në banesën e saj në Heberit Springs, në Arkansas në jug të vendit, pas një vetëvrasje të mundshme me armë zjarri, njoftoi dje në mbrëmje policia vendase. "Këngëtarja 37 vjeçare, u gjet e vdekur si pasojë e një plage të shkaktuar nga një armë zjarri, me sa duket të ketë qënë një vetëvrasje", theksuan burime zyrtare vendase. "Këngëtarja, e cila ka interpretuar këngën 'Guys Do It All the Time' dhe ka shitur miliona disqe, la dy fëmijë duke përfshirë një djalë 10 vjeç", theksoi rrjeti televiziv "CNN". Ka gjithashtu gjasa që babai i fëmijës të ketë vrarë veten muajin e kaluar. Sipas mediave amerikane, ylli i muzikës country kishte abuzuar kohët e fundit me alkoolin dhe ishte në depresion.

HermesNews - ©2013

Dërgo me email | Stampo artikullin