16/02/2013 12:06:02

Gjirokastër, udhëtim në arkeologji

Monumentet, arkeologjia dhe turizmi i Gjirokastrës

GJIROKASTËR - Në luginën e bukur të Dropullit, vetëm 15 kilometra larg Gjirokastrës, ndodhet siti arkeologjik i Hadrianopulit.

Arkeologu i njohur dhe njëherësh pedagog në universitetin e Gjirokastrës, Vladimir Qirjaqi, flet me pasion për vlerat dhe monumentet e kulturës së Gjirokastrës, të cilat janë sa të vjetra aq edhe interesante në llojin e ndërtimit.

"Tashmë dihet nga të gjithë se zona muzeale e Gjiokastrës është një perlë, një ansambël madhështor arkitektonik, që na i kanë dhuruar të parët tanë, të cilëve duhet t'u jemi mirënjohës", thotë Qirjaqi duke shtuar se, vlerat historike dhe kulturore të kësaj treve që ka bërë histori, nuk janë vetëm në qytet, por edhe në rrethinat e tij.

Duke filluar nga Libohova e Kryqit deri në Odrie numërohen më shumë se 10 objekte “Monumet Kulture”, disa nga të cilat për arkitekturën dhe periudhën e ndërtimit nuk i gjen as në Ballkan" thotë Qirjaqi, duke nënvizuar se kisha e Labovës së Kryqit është ndërtuar 1500 vite më parë nga perandori Justinian si shpërblim dhe mirënjohje për një luftëtar trim të ushtrisë së tij nga Labova.

Qirjaqi pohon se kjo kishë ka tërhequr turistë nga të gjitha shtetet e botës edhe pse ndodhet në mesin e malit “Bureto”, në një terren tepër të thyer.
Arkeologu Qirjaqi përmend dhe monumente të tjera në zonat rurale si; Teqenë e Melanit, kalanë e Libohovës, Sarajet e Myfit Beut, Varret pagane në Libohovë, sitin e Antigonesë, kishën e Saraqinishtës, Manastirn e Mingulit, Kalanë e Shën Triadhës, kishën e Odries etj dhe shumë objete të tjera kulti, “Monumente Kulture”, të gjitha këto të shtrira poshtë vargmalit Bureto- Lunxhëri- Odrie.

"Të gjitha objektet në Lunxhëri, që gëzojnë këtë status janë të vizitueshme dhe në gjendje të mirë", thotë kryetari i komunës së Lunxhërisë, Ilia Kuro. Ai tregon se, për kalanë e Shën Triadhës që është e dëmtuar për shkak të mungesës së investimeve është përgatitur një projekt restaurues, një financim prej 40 mijë eurove.

Në fshatin Dhoksat, ku gjenden tre shtëpi "Monumet Kulture të Kategorisë së Parë" dhe disa objekte të tjera karakteristike, rruga që lidh këtë fshat me Gjirokastrën është bërë me parametra bashkëkohorë dhe turizmi familjarpo zhvillohet me ritme tepër të larta.

Sipas Kuros, turistë të ndryshëm vizitojnë këtë fshat provojnë gatimet karakteristike, blejnë edhe nga prodhimet blegtorale dhe largohen të kënaqur.

Për objektet dhe vlerën e monumenteve të kulturës në periferi të Gjirokastrës flet edhe konsulli italian i nderit në Gjirokastër, Teodor Bilushi, për të cilin, vlera dhe historia e këtyre objeteve kanë bërë që shumë turistë italianë të jenë vizitorët e preferuar të tyre.

Ai flet për punën dhe zbulimet në sitin e Hadrianopulit të bërë nga ekipet e përbashkëta shqiptaro- italiane, nën drejtimin e profesorit të njohur italian, të Universitetit të Materacës, Robert Perna.

“Pofesor Perna dhe ekipi i tij është shumë lidhur me sitet arkeologjike në jug të vendit, veçanërisht me sitin e Hadrianopulit, ku ata kanë kanë hedhur dritë mbi shumë objekte të mbuluara nga pluhuri dhe balta e shekujve", nëvizon konsulli Bilushi.

Por nëse në Hadrianopul, vetëm këtë vit kanë qenë mbi 10 mijë turistë, sipas statistikave zyrtare nga drejtoria e Administrimit të Parkut të Antigonesë, në këtë sit edhe më frekuentues, vetëm 10 kilometra larg Hadrianopulit, gjatë vitit të kaluar numërohen mbi 11 mijë të tillë, shifër kjo tepër e lartë po të krahasohet me 5 vjet më parë.

Vetëm ditën e djeshme, në Atigone ishn si vizitorë përfaqësues të kompanisë gjermane 'Pfard dhe Reiter" . Pjesë e këtij grupi turistik, presidenti i kësaj kompanie, Wiggo Wehner, vlerëoi jo vetëm Antogonenë, por edhe të gjitha objektet e Luginës së Drinos.

Duke treguar për kompaninë e tij, si një nga më të njohurat në Gjermani për udhëtime me kuaj, ai premtoi se do të sjellë turistë gjermanë për të vizituar dhe kalëruar në sitet më të rëndësishme shqiptare.

Ndërsa drejtori i Parkut të Antigonesë, Ëngjëll Serjani tha se mbërritja në Antigone e kompanisë së njohur gjermane nuk është rastësi, por pjesë e strategjisë së drejtuesve të këtij parku, për ofrimin e turistëve.

HermesNews - ©2013

Dërgo me email | Stampo artikullin