26/01/2013 16:34:06

Sallatë me fileto pule, mollë, portokalle dhe arra

nga Brunhilda Cela

Sekretet e aromave të Brunhildës Përbërësit: 1 kokë sallate (unë kisha një lloj sallate që quhet frisee,hyn në familjen e çikores,por është një lloj sallate e kultivuar jo e egër)
ju merrni nje sallatë jeshile të preferencës suaj.
1 mollë
1 portokalle
2 kivi
7-8 feta djathi gouda ose një lloj tjeter djathi që ju pëlqen juve të prerë sipas dëshirës.
qepë të kuqe
1 dorë arra
ca dega majdanozi të freskët
ca kokrra shege për dekorin lart.
mish pule deti pjesë gjoksi rreth 350 gr.

Për marinimin e mishit erëza sipas dëshirës suaj unë përdora:
kripë, pak vegetë natyrale, pak rigon të thatë,piper të zi, piper të kuq, piper djegës fare pak, trumëz të freskët, pak lëng limoni dhe vaj ulliri. (të gjitha i përziej dhe aty marinoj mishin më parë)
Për marinadën e sallatës përdora}
250 ml kos
pak kripë
piper të zi
1 lugë gjelle majonezë,1 lugë caji mustardë,vaj ulliri
pak uthull balsamike unë kisha uthull shege.

Përgatitja: Sallatën e larë e të pastruar e copëtoj me dorë jo me thikë.
Pastaj me radhë shtoj mollët e prera, portokallet e qëruara nga lëkura e të prera sipas dëshirës suaj dhe kivin gjithashtu.Shtoni djathin qepën majdanozin dhe arrat. I përzieni të gjitha bashkë.

Të gjithë përbërësit e marinadës të dhëna më lart i përzieni gjithashtu në një tas. Mishin e marinuar e piqni në tigan zgare nga të dyja anët mirë rreth 4 min. Kaq mu desh mua se i kisha copat të trasha, nëse i keni të holla bëhet edhe më shpejt, kujdes tek pjekja që të mbetet brendësia e butë, mos e piqni shumë fare se i del gjithë lëngu dhe thahet. Mishin e pjekur e pres në feta të holla, shiko fotot.

Sallatën e shtroni në pjatat e servirjes, sipër hidhi fetat e mishit në të dy pjatat e marinadën e kosit gjithashtu dhe zbukuroni me arra, shegë e majdanoz lart. Unë e shoqërova me një lloj buke me fara. Ju bëftë mirë

HermesNews - ©2013

Dërgo me email | Stampo artikullin