01/01/2013 17:13:43

Gjirokastër: banorët në shesh për të pritur ndërrimin e viteve

Ku kishin ngelur edhe një minutë nga largimi i vitit 2012, banorët e rajonit jugor kanë “braktisur” sofrën dhe kanë dalë në sheshe e rrugë për të festuar me fishekzjarre shumëngjyrëshe ardhjen e Vitit të Ri

GJIROKASTËR - Mijëra banorë të qarkut të Gjirokastrës kanë festuar pranë familjes ndërrimin e viteve. Ku kishin ngelur edhe një minutë nga largimi i vitit 2012, banorët e rajonit jugor kanë “braktisur” sofrën dhe kanë dalë në sheshe e rrugë për të festuar me fishekzjarre shumëngjyrëshe ardhjen e Vitit të Ri.

Në Gjirokastrës, Tepelenë, Memaliaj, Përmet, Këlcyrë etj., shumë banorë janë grumbulluar në mënyrë spontane, duke krijuar një atomosferë të gëzueshme.

Pothuajse, të gjithë drejtuesit e lartë të pushtetit vendorë në rajonin jugu kanë përshëndetur komunitetin me urimin: “Për shume vjen gëzuar!”.

Gjatë grumbullimit të njerëzve, në çdo shesh, kanë qënë në gadishmëri edhe punonjësit e policisë së shtetit, të cilët së bashku me punonjësit e qarkullimit rrugorë kanë bashkëpunuar për mbarëvajtjen e festimeve.

Ndërkaq, punonjësit e institucioneve të rëndësisë së veçantë, si nënstacioneve elektrike, zjarrfikëset, ujësjellësi etj., nata e ndërrimit të viteve i ka gjetur në krye të detyrës për t’i shërbyer sa më mirë komunitetit.

HermesNews - ©2012

Dërgo me email | Stampo artikullin